Það er svo langt síðan síðast að ég þurfti alveg að pæla vel hvað aðgangsorðið á síðuna væri hehe.

Ritgerðin loksins búin og fékk bara mjög góða einkun og umsögn fyrir hana. Hrikalega sátt við það allt saman, útskrift 6.júní og planið er að hafa smá grillveislu svona ef ég verð ekki farin af stað

4 vikur síðan ég hætti að vinna, bara búin að vera að reyna að slaka á skv. læknisráði, gengur ok, er allavega búin að ná blóðþrýstingnum niður. Bumban stækkar og stækkar og erfinginn alveg að hafa það voða kósý þarna inni.  Búið að redda flest öllu fyrir krílið og ég búin að þvo og strauja allt sem var keypt í London og það sem var fengið að láni líka. Voða fegin að vera búin að þessu öllu núna, enda komin tæpar 37 vikur. Búin að liggja soldið í laugunum í afslöppun og komin með ágætislit bara ...nokkuð sneddí   Svo er ég í bumbusundi líka og fer einu sinni í viku sirka í nudd sem er alveg að bjarga bakinu. Voða fínt að vera svona dekruð bara

Annars er bara búið að vera nóg að gera við að gera ekki neitt hehe, skruppum á Akureyri um síðustu helgi. Voða fínt að komast aðeins úr bænum. Varð vitni að fyrstu skrefunum hans Snæbjörns systursonar Stefáns, voða gaman

Blehh komið gott í bili, veit ekki hversu dugleg ég verð að skrifa hérna. Allt barnatengt fer alltaf beint inn á barnalandssíðuna. Ætla líka að færa myndaalbúmin á aukasíðu þar svona til að geta haft þau læst. Gerist allt þegar nennan hellist yfir mig haha.

Kv. Bumbupían

 

Já sæll það er magnað hvað tíminn líður. Í dag er akkúrat vika í að ég fari til London og líka akkúrat 3 mánuðir í settan dag, reyndar bara öruggt að London ferðin verður á réttum tíma..algerlaga krakkans að ákveða hvenær hann kemur í heiminn. Ef það myndi fá alveg tímaskynið mitt þá væri það eflaust að koma í seinasta lagi um páskana en með tímaskyni pabba síns gæti það þessvegna beðið fram að næstu jólum  Ritgerðin gengur annars bara fínt, er komin hátt í 14 þús orð en það vantar ýmislegt inn sem þarf víst að vera eins og inngang og lokaorð...og já..kannski smá gáfulegri punkta á nokkrum stöðum  En það reddast allt saman. ég skal í þessa útskrift í júní svo lengi sem ég verði ekki á fæðingardeildinni !!!
Fór í langferð í gærkvöldi...eða alla leið á Selfoss að horfa á Stefán keppa í handbolta, rétt töpuðu reyndar en auðvitað var hann lang markahæstur í leiknum  Vona innilega að baby fái íþróttaálfsgenið frá honum og hans familí...því ekki er það mjög virkt í minni !!!
Bindadagur í vinnunni í dag og mér til mikillar gleði fann ég skyrtu í skápnum sem passar enn svo ég mætti auðvitað með þetta fína svarta bindi af kallinum !!

Gleði gleði ...farin að vinna eitthvað

Þar sem ég er að deyja úr eirðarleysi á bókhlöðunni er lítið eftir nema blogga. Ritgerðin gengur eila bara þokkalega vel, stendur núna í 10.680 orðum og viðmiðið er 14.000.  Takmarkið er að klára amk allt meginmál og helst auðvitað allt hitt líka fyrir 27.mars þar sem ég gerðist svo djörf að bóka mér eitt stkykki London ferð þann dag. Jebb ég og Sigríður frænka ætlum að skella okkur í húsmæðraorlof og fara til London í barnafata og hluta leiðangur. Var ekki svo dýrt svo að possibly væri hægt að koma út í plús því þrátt fyrir vangefið gengi er samt ódýrari barnaföt þarna úti. Fyrir utan að úrvalið hérna heima er EKKERT og þá alls ekkert í hlutlausum litum, nú svo kemur stelpa eða strákur og þá er litaúrvalið bleikt eða blátt, EKKERT annað. Mörgum finnst þetta eflaust ekki beint spennandi ferð og myndu seint biðja um að koma með í svona leiðangur. En við erum geggjað spenntar, þó svo að það sé bara versla borða sofa  Skemmir líka ekki fyrir að vildarpunktar voru notaðir til að bóka geggjað hótel svo það verður legið yfir klassískum vælumyndum öll kvöld og haft það úber kósý á fancy hótelinu, já ég ætla ekki mikið að skella mér á tjúttið komin þá 28 vikur á leið  Smá samviskubit yfir að skilja Stebba minn eftir aleinan heima en hann á bara inni strákaferð eitthvað. Svo átti ég mjög farsælan fund við LÍN í dag aldrei þessu vant og er bara geggjað sátt með árangur dagsins. Á morgun ætlum við skötuhjúin svo að bruna í geðveikan bústað og hafa það of kósý um helgina, burt frá öllu interneti, ritgerð og vinnustressi.
Annars erum við öll bara voða hress, baby sparkar og sparkar og stækkar óðum. Róast hins vegar niður um leið og hendin á pabbanum nálgast bumbuna hehe. Klárt mál að hann verður settur sem yfirsvæfari

Komið gott, bæjó.

Smá breytingar hérna til að fá líf í síðuna þar sem lítið sem ekkert er að gerast á henni. Nokkrum linkum hent út og aðrir inn, helst að nefna að væntanlegur erfingi er kominn með heimasíðu. Á henni er svo sem ekkert að finna nema mis miklar bollumyndir af móðurinni hehe. Síðan ber nafnið Baby Bjarnarson, en til að fyrirbyggja allan misskilning "Bjarnarson" er ættarnafnið hans Stefáns sem barnið mun bera, vísar ekki í að þetta sé drengur og klárlega ekki að barnið sé ekki Stefáns. (Er í alvörunni búin að fá þá spurningu eftir að ég opnaði síðuna, "en bíddu er ekki Stefán pabbinn?")  En semsagt jújú krílið er hans og kynið óvitað !!!

Mest lítið að ske annars, búin að minnka við mig vinnuna til að klára (og eila fyrst, byrja) á ritgerðinni. Stefnan er því að fara að hreiðra um sig á hlöðunni þá daga sem ég er ekki í vinnunni. Jei !! Eins og þetta er nú kósý staður  Skvísuhittingur í næstu viku í tilefni útskriftar Lilju og að Matts láti sjá sig á klakanum. Og já ég byrjaði í meðgöngujóga sem er alveg ágætt..soldið erfitt fyrir ofvirka og óþolinmóða..en pointið er nú jú að læra að slaka á og anda og sona sniðugt !!

Ef það eru annars einhverjir sem álpast enn inná þessa síðu væri alveg gaman að fá kvitt stöku sinnum...nú ef ég er að tala við sjálf mig þá er það bara fínt líka.. Hugsa að ég skipti nú samt um blogg bráðum, þetta er alveg óendanlega ónotendavænt og slow í uppfærslum og breytingum.

Adios..

Það kom að því...loksins búin að uppfæra í myndaalbúminu og það hvorki meira né minna en 5 albúm eða 345 myndir... Það er greinilega allt eða ekkert á þessum bæ. Myndirnar ná alveg aftur að verslunarmannahelginni hehe. Annars voru jólin bara yndisleg, fékk æðislegar gjafir og átti alveg ótrúlega kósý og notalegar stundir með familíunni. Tók mig svo til um áramótin og eldaði þennan risa kalkún fyrir okkur og geggjað stolt af því. Var ekki búin að elda í amk mánuð sökum ógleði og viðbjóðs almennt á mat svo þetta var bara tekið með trompi. Annars er heilsan öll að koma til og fer vonandi að sigla inn í "góða tímabilið". Ætla þess vegna að hitta leiðbeinandann minn í dag og fara að vinna í ritgerðinni aftur..ætla að skila 5.maí og útskrifast 6.júní..hvort sem ég velt hreinlega upp á sviðið og af því til að taka við plagginu. Þýðir ekki að vera með þessa ritgerð á bakinu alla ævi. Í síðustu viku varð ég svo alveg obbosslega hamingjusöm þar sem við fórum og splæstum í nýjan sófa, geggjað þægilegan risastóran tungusófa. Og á sama tíma var bláa fyrirbærinu hent niður í geymslu og er til sölu/gjafar fyrir þann sem vill. Ég sem er nú ekki mikið sófadýr er alveg búin að vera bara föst í sófanum síðustu daga...alveg ekta kúrisófi. Næst á dagskrá er að taka til í þvottahúsinu og geymslunni. Þarf svo óumflýjanlega að fara í gegnum fataskápinn minn og henda fötum, aðallega bolum út sem eru orðin of lítil hehe, finnst samt magnað að vera komin tæpa 4 mán á leið og þurfti að sækja gamlar gallabuxur sem ég hef ekki passað í í 2 ár þar sem ég var "vaxin" upp úr þeim...(á þverveginn semsagt hehe) passa í þær núna..og þessar nýlegri orðnar of stórar..hver segir að mar þurfi að fitna á meðgöngu  svo fiffar mar bara svona millistykki !!!
En jæja mar ætti kannski að koma sér aftur í vinnuna, kem sennilegast með meira fyrir sumarið  

Nohh þá eru þessi jól bara komin Allt orðið ready, íbúðin tandurhrein og jólatréð skreytt. Finnst jólatréð okkar geggjað flott  og svo er svo góð grenilykt  Svo er bara að keyra út nokkra pakka og fara svo í matinn og sona. Ákváðum að vera í sitthvoru lagi í matnum og pökkum, hittumst svo bara eftir pakkastúss, væri nú meira til í að vera saman en það verður bara á næsta ári. Alveg klárt mál að þá verðum við á sama stað og jólin örugglega pínku öðruvísi  Er bara alveg ótrúlega hamingjusöm núna (það má vera væminn um jólin sko) og nýt lífsins út í eitt  En jæja þar sem ég er vöknuð svo snemma ætla ég að skella mér til Elvu í morgunkaffi og leyfa Stefáni greyinu að sofa út á meðan

Þar sem ég sendi ekki jólakort þetta árið (fáið á næsta ári, lofa) vil ég bara óska öllum vinum og ættingjum gleðilegra jóla og þakka fyrir liðnu árin. Hafið það sem allra bestu yfir hátíðirnar og sjáumst vonandi sem fyrst.

Jólakveðja, Steinunn Birna

Ó my það er fáránlega stutt í jólin alveg, en það er bara fínt sko. Komin í þokkalegan jólagír, enda allt voða jólakósý í kringum mig. Skreyttum í vinnunni og það er gegt nice, betra að hafa jólaljósin heldur en neon hvítu tannlæknaljósin sem ýta massíft undir mígrenið mitt, eins og það sé ekki búið að vera nógu slæmt. Svo misstum við Stefán okkur aðeins í jólaskrauts og seríukaupum um daginn og bara skreyttum alveg fullt heima og við gerðum meira að segja aðventukrans, ógó flottan þó ég segi sjálf frá. Sevilla ferðin var bara æðisleg í alla staði, hefði mátt vera hlýrra en það er eila það eina sem betur hefði mátt fara. :) Kannski nenni ég að henda inn myndum í jólafríinu. Loksins loksins er þokkalegt jólafrí þó maður sé að vinna..alveg 5 daga frí veii, svo vinna tvo og hálfan dag og svo frí 4 og hálfan. Annars bara spennandi tímar framundan...langt síðan ég hef verið í svona miklum jólagír :) Svo er leynivinavika að byrja í vinnunni, allar hugulsamar og púkalegar hugmyndir vel þegnar. Annars er þetta komið fínt í bili held ég bara.

Alveg ekki búin að nenna að blogga undanfarið og nenni því eila ekki núna. Vinnan svipuð og vanalega, náði stjórnun og stefnumótun áfanganum og það bara helvíti vel, ritgerðin gengur...blahhh ekki svo vel, íbúðin er pínku farin að taka á sig jólamynd en á eftir að verða ofurkósý, öllu gömlu og ljótu hent út og verslað nýtt og flott :) Helstu fréttirnar eru að ég og Stebbi erum að fara til Sevilla ekki á morgun heldur hinn =) veiiiiiiii !! Hlakka fáránlega til að komast af landinu og eiga það ekki lengur á hættu að sjá smettið á Dabba Odds ef ég kveiki á sjónvarpinu eða hlusta á fólk kvabba yfir "ástandinu". Bara chilla á góðu hóteli, borra góðan mat, kíkja í búðir, drekka nokkra öllara, fara á Sevilla-Barcelona fótboltaleik...mmmm bara nice !! Kveð í bili með þessari fínu fínu línu..."á spán´er gott að djamm´og djúsa diskótekunum á..hei "

Eftir rúmlega 3 klukkutíma ætla ég að koma mér héðan úr vinnunni, hoppa upp í bíl með Stefáni og bruna út úr bænum í skjól þar sem ekkert sjónvarp er, ekkert internet og slökkva í símum = engar slæmar fréttir  Erum að fara í bústað í Húsafelli og hlakka ekkert smá til að sleppa úr þessari geðveiki heila helgi, í staðinn fyrir að svara fólki allan daginn um ástandið í þjóðfélaginu og stöðu kaupþings verður bara slappað af, borðað góðan mat, sofið, kúrt og flatmagað í heitapottinum. Kannski mar smelli í eins og einn snjókall svona í tilefni vetrarins  

Annars ekki mikið að frétta, óvissan hérna enn að gera út af við mann en því lýkur vonandi fljótlega. Stjórnun og stefnumótun áfanginn gengur fínt þó ég skilji ekki mikið í honum og ritgerðin er á hold.  Af gleðilegri fréttum, fæddist lítill prins í fjölskylduna í gær, Berglind Helga litla frænka átti hann um kvöldmatarleytið í gær.

En adios í bili... skvísudagur í vinnunni í dag svo ég ætla að fara að spranga um í gulldressinu og hælunum

Fokkin drasl, ég var búin að skrifa fullt og það datt allt út. Ekki séns ég nenni ekki að skrifa það aftur...urrrr